કોઇપણ વ્યક્તિની જન્મ તિથી, વાર કે મહિનો તેના ભવિષ્ય વિશે ઘણું બધું જણાવે છે. જ્યોતિષ શાસ્ત્ર અનુસાર જે રીતે કોઈ વ્યક્તિની રાશિ પ્રમાણે તેના સ્વભાવ વિશે જણાવવામાં આવે છે તેવી જ રીતે તેના જન્મના મહિના અનુસાર તેના સ્વભાવ અને જીવન વિશે જાણકારી મેળવી શકાય છે. સપ્ટેમ્બર મહિનાની શરૂવાત થવા જઈ રહી છે.
કેલેન્ડર અનુસાર સપ્ટેમ્બર વર્ષનો નવમો મહિનો છે. અંક જ્યોતિષ અનુસાર સપ્ટેમ્બરને મંગળ ગ્રહનો મહિનો માનવામાં આવે છે. મંગળ સાહસ અને પરાક્રમનો કારક હોય છે. માન્યતા છે કે મંગળ ગ્રહના પ્રભાવના કારણથી આ મહિનામાં જન્મેલા વ્યક્તિઓ મુક્તપણે વાત કરે છે. એવામાં ચાલો જાણીએ સપ્ટેમ્બર મહિનામાં જન્મેલા વ્યક્તિના સ્વભાવ, કરિયર અને પ્રેમની બાબતે શું ઈચ્છે છે આ વ્યક્તિઓ.
મહેનતી: સપ્ટેમ્બર મહિનામાં જન્મેલા લોકો મહેનતી હોય છે અને પોતાની મહેનતના આધારે જીવનમાં ઘણું બધું મેળવી લે છે. સાથે જ તેઓ ખુબ જ જલ્દી સમસ્યાનું નિવારણ શોધવાનો પ્રયાસ કરે છે.
કેવું હોય છે કરિયર?: સપ્ટેમ્બર મહિનામાં જન્મેલા લોકો દરેક કાર્યને શ્રેષ્ઠ રીતે પૂર્ણ કરવાનો પ્રયાસ કરે છે. જ્યોતિષ અનુસાર તેમને કરિયરમાં જલ્દી સફળતા મળે છે. સપ્ટેમ્બર મહિનામાં જન્મેલા લોકો સારા વૈજ્ઞાનિક, શિક્ષક, સલાહકાર, રાજકારણી બની શકે છે.
દિલના સાફ હોય છે આ મહિનામાં જન્મેલા લોકો: જ્યોતિષ અનુસાર સપ્ટેમ્બરમાં જન્મેલા લોકોનું હ્રદય કોમળ હોય છે. સાથે જ આ લોકો ઘણા ભાવુક હોય છે. જોકે આ લોકો બીજાની સામે પોતાને ખુબ જ મજબૂત બતાવવાનો પ્રયાસ કરે છે.
સપ્ટેમ્બરમાં જન્મેલા લોકોનું વૈવાહિક જીવન: સપ્ટેમ્બર મહિનામાં જન્મેલા લોકોનું લગ્નજીવન સુખદ હોય છે. સાથે જ તેમને તેમના જીવનસાથીનો પણ પૂરો સાથ મળે છે. કેટલીકવાર તેમને તેમની આદતોના કારણે લગ્ન જીવનમાં ઉતાર-ચઢાવ પણ જોવા પડે છે. સમયની સાથે બદલાવ આવ્યા બાદ તેમને શુભ ફળ મળે છે.
સપ્ટેમ્બરમાં જન્મેલા લોકોની ખામીઓ: મંગળના પ્રભાવને કારણે આ લોકોને ગુસ્સો પણ જલ્દી આવે છે. તેઓ પોતાનો ગુસ્સો સંતાડી રાખતા નથી પરંતુ તરત જ પોતાનો ગુસ્સો વ્યક્ત કરે છે. સાથે જ તેઓ સંબંધમાં કોઈપણ પ્રકારની છેતરપિંડી સહન કરતા નથી. આ લોકોને પોતાની અને પોતાના પાર્ટનર વચ્ચે કોઈ ત્રીજી દખલગીરી પસંદ નથી હોતી.