હિંદુ ધર્મમાં ગરુડ પુરાણને ખુબ જ મહત્વ આપવામાં આવ્યું છે. જો કે પરિવારમાં કોઈ સભ્યનું મૃત્યુ થવાથી ગરુડ પુરાણનો પાઠ કરવામાં આવે છે પરંતુ ગરુડ પુરાણ સારું જીવન જીવવા માટે પણ ખુબ જ મહત્વપૂર્ણ ઉપાયો પણ જણાવે છે. તેમાં મહાલક્ષ્મીજીને પ્રસન્ન કરીને સમૃદ્ધ બનવા, આપર સુખ મેળવવા, એશ્વર્ય મેળવવા, સન્માન મેળવવાના ઉપાયો પણ જણાવ્યા છે.
તે જ કારણ છે કે સ્વર્ગ- નરકની કલ્પના, પાપ- પુણ્ય, કર્મોના ફળ, મૃત્યુ પછી આત્માનો સફર વગેરે સિવાય પણ ગરુડ પુરાણની વાતોને ખુબ જ મહત્વ આપવામાં આવે છે. આજે અમે કેટલાક એવા ઉપાયો જણાવીશું જેનો ઉપયોગ કરીને ગરીબ વ્યક્તિ પણ સમૃદ્ધ બની શકે છે.
આ છે સમૃદ્ધ બનવાના ઉપાયો: જે લોકો હંમેશા સ્વચ્છ રહે છે. દરરોજ સ્નાન કરે છે, સ્વચ્છ કપડાં પહેરે છે અને તેમની આજુબાજુની જગ્યાને સ્વચ્છ રાખે છે. એવા લોકો પર દેવી લક્ષ્મીજી હંમેશા પ્રસન્ન રહે છે. તેવા લોકો પર દેવી લક્ષ્મીજીની કૃપાને કારણે પર્યાપ્ત ધન રહે છે અને તેઓ સુખી જીવન જીવે છે.
એવા લોકો જે હંમેશા પોતાની આવકનો એક ભાગ બીજાની મદદ કરવામાં અને જરૂરિયાતમંદોને પૈસા, ભોજન, કપડા વગેરે આપવામાં ખર્ચ કરે છે. તેમના પૈસા હંમેશા રાત- દિવસ વધતા રહે છે. એવા લોકોને દેવી- દેવતાઓ હંમેશા આશીર્વાદ આપે છે અને તેમના પાપોનો નાશ થાય છે.
એવા લોકો જે મહેનતુ હોય છે અને પોતાનું કામ ઈમાનદારીથી કરે છે ક્યારેય કોઈને નથી છેતરતા. એવા લોકોને હંમેશા દેવી લક્ષ્મીજીના વિશેષ આશીર્વાદ પ્રાપ્ત થાય છે. ભગવાન એવા લોકોને તેમના કાર્યોમાં હંમેશા સફળતા આપે છે.
એવા લોકો જે હંમેશા મધુર બોલે છે અને તેઓ ક્યારેય કોઈનું દિલ નથી દુભાવતા. કોઈનું અપમાન નથી કરતા અને વડીલો અને મહિલાઓનું સન્માન કરે છે. દેવી લક્ષ્મીજી હંમેશા એવા લોકોને પણ આશીર્વાદ આપે છે. એવા લોકોને ક્યારેય આર્થિક તંગીનો સામનો કરવો નથી પડતો. (ડિસ્ક્લેમર: અહી આપવામાં આવેલી માહિતી સામાન્ય માન્યતાઓ અને જાણકારી પર આધારિત છે. ગુજરાત બીટ તેની પુષ્ટિ નથી કરતું.)