હિંદુ ધર્મમાં જ્યોતિષનું ખૂબ મહત્વ રહેલું છે. વ્યક્તિની કુંડળી જોઈને તેના ભવિષ્ય અને ભવિષ્યમાં આવનારા દુ:ખ અને સુખ વિશે જાણી શકાય છે. એટલું જ નહીં, વ્યક્તિના વર્તમાન સમયમાં બની રહેલી અપ્રિય ઘટના અથવા તેની પાછળનું કારણ શું છે તે વિશે પણ જાણી શકાય છે. કુંડળીમાં ગ્રહોની સ્થિતિનો શુભ અને અશુભ પ્રભાવ વ્યક્તિના જીવન પર જોવા મળે છે.
જ્યારે કુંડળીમાં શનિ અશુભ હોય છે ત્યારે વ્યક્તિને અનેક પ્રકારની આર્થિક સમસ્યાઓનો સામનો કરવો પડે છે. શનિદેવને ન્યાયના દેવ અને ફળદાયી પરિણામો આપનાર તરીકે પણ ઓળખવામાં આવે છે. વ્યક્તિને તેના સારા અને ખરાબ કર્મોનું ફળ મળે છે. જેઓ સારા કાર્યો કરે છે તેને સારું ફળ મળે છે અને જેઓ ખરાબ કર્મ કરે છે તેને ખરાબ ફળ મળે છે.
શનિદેવની ખરાબ નજરના કારણે વ્યક્તિને અનેક પ્રકારની સમસ્યાઓનો સામનો કરવો પડે છે. જો કોઈની સાથે આવું થઈ રહ્યું હોય તો સમજી લેવું કે કુંડળીમાં શનિની મહાદશા ચાલી રહી છે. ચાલો જાણીએ આવા જ કેટલાક સંકેતો વિશે, જે કુંડળીમાં શનિની મહાદશા તરફ નિર્દેશ કરે છે અને તેમને ટાળવાની રીતો.
શું છે શનિની મહાદશાના લક્ષણો: જ્યોતિષ શાસ્ત્ર અનુસાર જો કોઈ વ્યક્તિને નશાની લત લાગી જાય તો સમજી લેવું કે તેની કુંડળીમાં શનિની મહાદશા શરૂ થઈ ગઈ છે. આ સિવાય જો વ્યક્તિને કોઈ મોટું આર્થિક નુકસાન થાય છે તો સમજી લેવું જોઈએ કે તેની મહાદશા ખરાબ ચાલી રહી છે.
જો કોઈ વ્યક્તિના ઘરમાં અચાનક ચોરી થઈ જાય અથવા તે કોઈ ગંભીર બીમારીથી પીડિત થઇ જાય તો સમજી લેવું જોઈએ કે તેની મહાદશા સારી નથી. જો કોઈ વ્યક્તિના સંબંધોમાં મધુરતા ના રહેતી હોય તો તે પણ સૂચવે છે કે તેની મહાદશા સારી નથી ચાલી રહી.
શનિ મહાદશા માટે શું છે ઉપાયઃ શનિદેવની કૃપા મેળવવા માટે શનિવારે પીપળાના ઝાડમાં જળ ચઢાવો. આ સિવાય સરસવના તેલનો ચારમુખી દીવો પ્રગટાવો અને તેની આસપાસ ત્રણ વખત પરિક્રમા કરો.
આ સિવાય વ્યક્તિ મહાદશા સુધારવા માટે શનિવારે શનિ ચાલીસાનો પાઠ પણ કરી શકે છે. (ડિસ્ક્લેમર: અહીં આપવામાં આવેલી માહિતી સામાન્ય માન્યતાઓ અને જાણકારી પર આધારિત છે. ગુજરાત બીટ તેની પુષ્ટિ નથી કરતું.)
