વૈદિક જ્યોતિષ શાસ્ત્ર અનુસાર દરેક ગ્રહનું પોતાનું મહત્વ રહેલું છે. તમામ ગ્રહોમાં ગુરુની ભૂમિકા મહત્વની માનવામાં આવે છે. શાસ્ત્રોમાં ગુરુને જ્ઞાન, બુદ્ધિ, શિક્ષણ, ધન વગેરે માટે કારક ગ્રહ માનવામાં આવે છે. ગુરુ ધન અને મીન રાશિના સ્વામી છે. દરેક ગ્રહ ચોક્કસ સમયગાળા માટે કોઈપણ રાશિમાં રહે છે. ગુરુને એક રાશિમાં રહેવા માટે લગભગ ૧૩ મહિના લાગે છે.
દેવગુરુ બૃહસ્પતિની ચાલમાં પરિવર્તનને કારણે તમામ ૧૨ રાશિના જીવન પર તેની અસર જોવા મળી શકે છે. તાજેતરમાં ગુરુએ ૧ મેના રોજ વૃષભ રાશિમાં પ્રવેશ કર્યો છે અને વર્ષ ૨૦૨૫ સુધી આ રાશિમાં રહેશે. જાણો કઈ રાશિના લોકોને આવી સ્થિતિમાં વિશેષ લાભ મળવાના છે. આ રાશિઓ પર ગુરુ વિશેષ આશીર્વાદ વરસાવશે
વૃષભ: જ્યોતિષ શાસ્ત્ર અનુસાર ગુરુ હાલમાં વૃષભ રાશિમાં સ્થિત છે. આવી સ્થિતિમાં આ રાશિના લોકો માટે આ સમય ખાસ કરીને ફાયદાકારક રહેશે. વર્ષ ૨૦૨૫ સુધી આ રાશિમાં રહેશે. તેવામાં નોકરી કરતા લોકો માટે પ્રમોશન અને પગાર વધારાની શક્યતાઓ છે. કરિયરમાં સારી વૃદ્ધિ થશે અને ઘણી નવી તકો પ્રાપ્ત થશે. આ સમયગાળા દરમિયાન તમે વેપારમાં રોકાણ કરી શકો છો. આર્થિક સ્થિતિ મજબૂત રહેશે. આવકના નવા સ્ત્રોત ખુલશે.
મેષઃ આ રાશિના લોકો માટે ગુરુનું ગોચર વરદાનથી ઓછું નહીં હોય. આ સમયે તમે લાંબા સમયથી અટકેલા કામ પૂર્ણ કરી શકશો. આ સમયે ભાગ્ય તમારો સંપૂર્ણ સાથ આપશે. સમાજમાં તમને માન- સન્માન મળશે. તો બીજીતરફ આ રાશિના લોકોને વ્યવસાયમાં આર્થિક લાભ મળી શકે છે. તમને કોઈ સારા સમાચાર મળી શકે છે. તમારી આર્થિક સ્થિતિ મજબૂત રહેશે. આ સમયે તમને સૌથી જૂના દેવાથી પણ રાહત મળશે. કરિયરમાં પણ સફળતા મળવાના ચાન્સ છે.
સિંહ: જ્યોતિષ શાસ્ત્ર અનુસાર વૃષભ રાશિમાં ગુરુનું રહેવું સિંહ રાશિના લોકો માટે પણ ફાયદાકારક સાબિત થશે. નોકરી ધંધામાં નોંધપાત્ર પ્રગતિ થશે. ધન લાભ માટે ઘણી નવી તકો મળશે. નોકરીયાતોને પ્રમોશન મળી શકે છે. વેપારમાં પણ સફળતા મળશે. આવકના નવા સ્ત્રોત મેળવી શકશો.
તમે આ સમયગાળા દરમિયાન નવી મિલકત વગેરે ખરીદી શકો છો. પિતા સાથેના સંબંધો મજબૂત થશે. ભાગ્ય તમારા પક્ષે રહેશે. અણધાર્યો ધન લાભ થઈ શકે છે. (ડિસ્ક્લેમર: અહીં આપવામાં આવેલી માહિતી સામાન્ય માન્યતાઓ અને જાણકારી પર આધારિત છે. ગુજરાત બીટ તેની પુષ્ટિ નથી કરતું.)