તહેવારોની સિઝન હવે શરૂ થઈ ગઈ છે. નવેમ્બરમાં હિન્દુઓનો સૌથી મોટો તહેવાર દિવાળી આવી રહી છે. દિવાળીનો આ તહેવાર સામાન્ય રીતે પાંચ દિવસ સુધી ઉજવવામાં આવે છે. તે ધનતેરસથી શરૂ થાય છે અને ભાઈ બીજ પર સમાપ્ત થાય છે. ધનતેરસ દર વર્ષે આસો માસના વદ પક્ષની ત્રયોદશીના દિવસે ઉજવવામાં આવે છે. તે દિવાળીના બે દિવસ પહેલા આવે છે. આ વખતે ધનતેરસ ૨૩ ઓક્ટોબર રવિવારે આવી રહી છે.
ધનતેરસ એ સમૃદ્ધિનો દિવસ ગણાય છે: ધનતેરસ,જેમ કે નામ સૂચવે છે, તે સંપત્તિ સાથે સંકળાયેલ તહેવાર છે. આ દિવસે ભક્તો કુબેર, મા લક્ષ્મી, ધન્વંતરી અને યમરાજની પૂજા કરે છે. બીજી તરફ ધનતેરસ પર ઘણી ખરીદી પણ કરવામાં આવે છે. આ દિવસે લોકો સોના, ચાંદી, ઘરેણાં, વાસણો જેવી વસ્તુઓ ખરીદે છે. તો બીજીતરફ ઘણા લોકો જમીન, મકાન અથવા વાહન જેવી વસ્તુઓ પણ ખરીદે છે. ધનતેરસનો દિવસ સમૃદ્ધિનો દિવસ માનવામાં આવે છે. એવું કહેવાય છે કે આ દિવસે દેવી લક્ષ્મી અને ભગવાન કુબેર કંઈક નવું ખરીદીને આશીર્વાદ આપે છે.
ધનતેરસ પર આ ભૂલો ના કરો: ધનતેરસ પર તમે શું કરો છો અને શું નહીં તે ખૂબ મહત્વનું છે. આ દિવસે સાચા કામ કરવાથી ધન મળે છે, તો ખોટા કામ કરવાથી ધનનું નુકસાન પણ થાય છે. તેથી, આ દિવસે તમારે બે વિશેષ ભૂલો કરવાથી બચવું જોઈએ. જો તમે આ ભૂલો કરશો તો તમારે તેની કિંમત ચૂકવવી પડી શકે છે.
1. ઉધાર આપવા કે લેવાનું ટાળોઃ ધનતેરસના દિવસે ન તો ઉધાર આપવું જોઈએ કે ન લેવું જોઈએ. આમ કરવું અશુભ છે. ધનતેરસનો દિવસ સમૃદ્ધિનો દિવસ માનવામાં આવે છે. મા લક્ષ્મી આ દિવસે ઉધાર લેવા અથવા આપવાથી ક્રોધિત થાય છે. એકવાર આવું થવા પર તમારે પૈસા સંબંધિત ઘણી સમસ્યાઓનો સામનો કરવો પડે છે.
આ પછી ઘરમાં હંમેશા પૈસાનો દુકાળ રહે છે. પરિવારમાં પૈસાને લઈને પરેશાનીઓ આવવા લાગે છે. તેથી, અમારી સલાહ છે કે તમારે ધનતેરસ પર ધિરાણ અથવા લોન લેવાનું ટાળવું જોઈએ.
2. આ વસ્તુઓ ન ખરીદોઃ ઘણા લોકો ધનતેરસના દિવસે વાસણો ખરીદે છે અને લાવે છે. હવે બધા જાણે છે કે આ દિવસે લોખંડ ન ખરીદવું, પરંતુ ધનતેરસના દિવસે સ્ટીલના વાસણો ખરીદવાનું ટાળવું જોઈએ. હકીકતમાં સ્ટીલ પણ એક રીતે લોખંડનો જ એક ભાગ છે.
લોખંડનો સંબંધ શનિ સાથે છે. આવી સ્થિતિમાં જો તમારે આ દિવસે વાસણો ખરીદવા હોય તો પિત્તળ ખરીદો. જ્યારે પણ તમે વાસણો ખરીદ્યા પછી ઘરે લાવો ત્યારે તેમાં મીઠાઈ અથવા ચોખા ભરો. તેનાથી ઘરમાં સમૃદ્ધિ આવે છે.
ધનતેરસના દિવસે ચાકુ, કાતર, કાચના વાસણો, તાંબુ, ચામડું અથવા કોઈપણ કાળા રંગની વસ્તુ તેમજ ધારદાર વસ્તુઓ ના ખરીદવી જોઈએ. એવું માનવામાં આવે છે કે ધનતેરસ પર આવી વસ્તુઓ ઘરે લાવવાથી પરિવારમાં મુશ્કેલીઓ અને પરેશાનીઓ વધે છે. તેનાથી પારિવારિક સંબંધો બગડે છે. ઘરની આર્થિક સ્થિતિ નબળી થાય છે. ધનહાનિ થાય છે.