દિવાળી 2021 આવવામાં હવે ગણતરીના દિવસો જ બાકી છે. હિંદુ કેલેન્ડર મુજબ, દિવાળી અથવા દીપાવલીનો તહેવાર આસો મહિનાની અમાસના દિવસે ઉજવવામાં આવે છે સાથે સાથે દિવાળીની રાતથી ગુજરાતી વિક્રમ સંવત નવા વર્ષની પણ શરુઆત થાય છે. આ વર્ષે દિવાળી 4 નવેમ્બર 2021, ગુરુવારના રોજ ઉજવવામાં આવશે.
આ દિવસે માતા લક્ષ્મી અને ભગવાન ગણેશની પૂજાનું વિશેષ મહત્વ હોય છે. આ વર્ષે દિવાળીના દિવસે ગ્રહોનો દુર્લભ સંયોગ બની રહ્યો છે. જ્યોતિષોના મતે દિવાળીના દિવસે ચાર ગ્રહો એક જ રાશિ પર બિરાજમાન હશે. જેના કારણે આ વર્ષની દિવાળી ખૂબ જ શુભ માનવામાં આવે છે. ભક્તો માતા લક્ષ્મી અને ભગવાન ગણેશના આશીર્વાદ મેળવશે.
ચાર ગ્રહોનું સંયોજન: દિવાળીના દિવસે ચાર ગ્રહોનું સંયોજન રચાઈ રહ્યું છે. દિવાળીના દિવસે સૂર્ય, બુધ, મંગળ અને ચંદ્ર તુલા રાશિમાં રહેશે. તુલા રાશિનો સ્વામી શુક્ર છે. શુક્રને સુખનું પરિબળ માનવામાં આવે છે. સૂર્યને ગ્રહોનો રાજા, મંગળને ગ્રહોનો સેનાપતિ અને બુધને ગ્રહોનો રાજકુમાર કહેવામાં આવે છે. ચંદ્રને મનના પરિબળ માનવામાં આવે છે.
દિવાળી 2021 શુભ મુહૂર્ત- અમાવસ્યા તિથિ 04 નવેમ્બરે સવારે 06:03 થી શરૂ થશે અને 05 નવેમ્બરે સવારે 02:44 વાગ્યે સમાપ્ત થશે. દિવાળી લક્ષ્મી પૂજાનો સમય સાંજે 06:09 થી રાત્રે 08:20 સુધીનો છે. લક્ષ્મી પૂજાની કુલ અવધિ 1 કલાક 55 મિનિટ છે.
2021 ધનતેરસ ક્યારે છે? આ વર્ષે 2 નવેમ્બર 2021 ના રોજ ધનતેરસ છે. હિંદુ કેલેન્ડર મુજબ, ધનતેરસનો તહેવાર આસો વદ પક્ષની ત્રયોદશી પર ઉજવવામાં આવે છે. તેને ધન ત્રયોદશી અથવા ધન્વંતરી જયંતી પણ કહેવામાં આવે છે.
નાની દિવાળી 2021 ક્યારે છે? નાની દિવાળી આ વર્ષે ૩ નવેમ્બર ૨૦૨૧ ના રોજ છે. આ દિવસને રૂપચૌદસ અથવા કાળી ચૌદશ પણ કહેવામાં આવે છે. ગોવર્ધન પૂજા 2021 ક્યારે છે? આ વર્ષે ગોવર્ધન પૂજા ૫ નવેમ્બર ૨૦૨૧ ને શુક્રવારે છે. ભાઈ બીજ ૨૦૨૧ ક્યારે છે? ભાઈ બીજ તહેવાર ભાઈ અને બહેનને સમર્પિત હોય છે. આ વર્ષે ભાઈ બીજ 6 નવેમ્બર 2021, શનિવારે છે.
