એકાદશીનો દિવસ વિષ્ણુની પૂજા માટે શ્રેષ્ઠ માનવામાં આવે છે. આ દિવસે ભગવાન શ્રી હરિ વિષ્ણુની પૂજા કરવામાં આવે છે. આ દિવસે ચોખા ખાવાની મનાઈ કરવામાં આવેલી છે. જો તમે એકાદશીના દિવસે ચોખા ખાઓ તો તે માંસ ખાવા સમાન માનવામાં આવે છે પરંતુ શું તમે તેની પાછળનું કારણ જાણો છો કે શા માટે એકાદશીના દિવસે ભાત ખાવાથી દૂર રહેવું જોઈએ.
દંતકથા અનુસાર, મહર્ષિ મેધાએ માં ભગવતીના ક્રોધથી પોતાને બચાવવા માટે પોતાના શરીરનું બલિદાન આપ્યું હતું, ત્યારબાદ તેમના શરીરના અંગો ધરતી માતામાં સમાઈ ગયા હતા. તે દિવસે એકાદશી તિથિ હતી. કહેવાય છે કે મહર્ષિ મેધાનો જન્મ પૃથ્વી પર ચોખા અને જવના રૂપમાં થયો હતો.
તેથી જ ચોખા અને જવને જીવ માનવામાં આવે છે, તેથી એકાદશીના દિવસે ચોખા ખાવામાં આવતા નથી. એવું માનવામાં આવે છે કે એકાદશીના દિવસે ચોખા ખાવું એ મહર્ષિ મેધાના માંસ અને રક્તનું સેવન કરવા જેવું માનવામાં આવે છે.
એકાદશીના દિવસે ભાત ના ખાવાનું વૈજ્ઞાનિક કારણ પણ છે. એવું માનવામાં આવે છે કે ચોખામાં પાણીનું પ્રમાણ વધુ હોય છે જ્યારે ચંદ્રમાં પાણીની અસર વધુ હોય છે અને ચંદ્ર મનના કારક છે. ભાત ખાવાથી શરીરમાં પાણીની માત્રા વધે છે, જેના કારણે મન વિચલિત અને ચંચળ બને છે. મનની ચંચળતાને કારણે વ્રતના નિયમોનું પાલન કરવામાં અવરોધ આવે છે. આ જ કારણ છે કે એકાદશીના દિવસે ચોખાથી બનેલી વસ્તુઓ ટાળવી જોઈએ.
ડિસ્ક્લેમર: અહીં આપેલી માહિતી માત્ર માન્યતાઓ અને જાણકારી પર આધારિત છે. અત્રે એ ઉલ્લેખ કરવો જરૂરી છે કે ગુજરાત બીટ કોઈપણ પ્રકારની માન્યતા, જાણકારીની પુષ્ટિ નથી કરતું. કોઈપણ માહિતી અથવા માન્યતાને અમલમાં મૂકતા પહેલા, સંબંધિત નિષ્ણાતની સલાહ લો.
