ભૌતિક સુખ અને ઐશ્વર્યના દાતા શુક્ર હાલમાં મિથુન રાશિમાં ગોચર કરી રહ્યા છે અને જુલાઈના પ્રથમ સપ્તાહમાં કર્ક રાશિમાં પ્રવેશ કરશે. ૭ જુલાઈએ કર્ક રાશિમાં પહોંચતાની સાથે જ આ રાશિની શુભતા વધશે કારણ કે ચંદ્રને બુધ અને શુક્રનો સહયોગ મળી જશે.
શુક્ર ૩૦ જુલાઈ સુધી આ રાશિમાં રહેશે. શુક્રનું રાશિ પરિવર્તન કેટલીક રાશિના લોકો માટે ખૂબ જ મહત્વપૂર્ણ રહેશે કારણ કે તેમનું ભાગ્ય ચમકી શકે છે. ચાલો જાણીએ કઇ છે તે લકી રાશિઓ.
મેષ: આ રાશિના લોકોની સુખ- સુવિધાઓમાં સારો વધારો થશે. પરિવારના કોઈ સભ્ય સાથે કોઈ અણબનાવ હશે તો તેનું નિરાકરણ આવશે. તમને તમારા જીવનસાથી સાથે સારો સમય વિતાવવાનો મોકો મળશે. જો તમારી માતાની તબિયત બગડી રહી હશે, તો આ દરમિયાન તમે તેમના સ્વાસ્થ્યમાં સારો સુધારો જોશો.
જેના કારણે તેમની સાથે તમને પણ રાહત મળશે. રિયલ એસ્ટેટના વ્યવસાય સાથે સંકળાયેલા વેપારીઓ માટે આ સમય સારો રહેવાનો છે, સોદાથી સારી કમાણી થવાની સંભાવના છે.
કર્કઃ- કર્ક રાશિમાં શુક્રના ગોચરને કારણે આ રાશિના લોકો માટે આ સમય ઘણો સારો રહેવાનો છે. વ્યક્તિત્વમાં સુધારની સાથે, તમે ભવિષ્ય માટે તમારી આવકમાંથી કેટલાક પૈસા બચાવી શકશો. પરિવારમાં શુભ કાર્યો થવાની સંભાવનામાં વધારો થશે, તેની સાથે જ સુખ સંસાધનોમાં પણ વધારો થવાની પ્રબળ સંભાવના છે.
નોકરી કરતા લોકોને અચાનક પગાર વધારો, પ્રોત્સાહન અથવા બોનસ જેવા લાભો મળી શકે છે. સંચાર કૌશલ્યનો વિકાસ થશે જેના કારણે તમે તમારી વાણીથી અન્ય લોકોને પ્રભાવિત કરી શકશો.
તુલાઃ- શુક્રનું પરિવર્તન તુલા રાશિના લોકો માટે ફળદાયી રહેશે કારણ કે આ રાશિના સ્વામી પણ શુક્ર છે. નોકરી અને વ્યવસાય બંને કરતા લોકોને સારી સફળતા મળવાની છે. નોકરી કરનારાઓને તેમની મહેનતનું પૂરેપૂરું ફળ મળશે જ્યારે વેપારી વર્ગનો ધંધો ખુબ ચમકશે.
જે યુવાનો બેરોજગાર છે તેઓને આ દરમિયાન નોકરી મળી શકે છે, તેથી આ દિશામાં પ્રયાસો વધુ તેજ કરવા જોઈએ. (ડિસ્ક્લેમર: અહીં આપવામાં આવેલી માહિતી સામાન્ય માન્યતાઓ અને જાણકારી પર આધારિત છે. ગુજરાત બીટ તેની પુષ્ટિ નથી કરતું.)