સ્વપ્ન એ માનવ જીવનનો એક એવો ભાગ હોય છે, જે દરેક વ્યક્તિ ઊંઘ્યા પછી જુએ છે. સપના પર માણસનું નિયંત્રણ નથી હોતું. જો કે, દરેક સ્વપ્નનો ચોક્કસ અર્થ હોય છે. તેવી સ્થિતિમાં જોયેલા સપનાનો અર્થ શું છે તે જાણવું જરૂરી હોય છે. આજના લેખમાં અમે એવા જ કેટલાક શુભ સપનાઓ વિશે જણાવીશું, જેને સૌભાગ્યનું પ્રતિક માનવામાં આવે છે.
મંદિરઃ જો તમને સપનામાં ભગવાન ભોલેનાથનું મંદિર દેખાય છે તો સમજી લેવું કે તમારા પર મહાદેવજીની કૃપા થવા જઈ રહી છે અને જલ્દી સારા સમાચાર મળી શકે છે. બીજી તરફ, સ્વપ્નમાં મંદિર જોવું, મંદિરના પૂજારી પાસેથી પ્રસાદ તરીકે નારિયેળ અને મીઠાઈઓ લેવી પણ શુભ સંકેત માનવામાં આવે છે.
આંબો: સ્વપ્નમાં આંબાના ઝાડને જોવું એ ભવિષ્યના જીવનમાં પ્રગતિ સૂચવે છે. બીજી બાજુ, જો તમે પર્વત પર ચઢવાનું સ્વપ્ન જુઓ છો, તો તમને ભગવાન શિવના આશીર્વાદ મળે છે. સ્વપ્નમાં ગાયનું દૂધ જોવું પણ સુખ અને સમૃદ્ધિનું પ્રતીક માનવામાં આવે છે. તેનાથી આર્થિક સ્થિતિ મજબૂત બને છે.
ગુલાબઃ જો કોઈ વ્યક્તિ સપનામાં ગુલાબ જુએ તો તેને શુભ સંકેત માનવામાં આવે છે. તેનાથી તમારું કોઈ મોટું કામ થઇ શકે છો. સ્વપ્નમાં પોપટ જોવો એ પણ શુભ સંકેત દર્શાવે છે. આ સારા સમાચાર લાવે છે અને પ્રગતિની તક આપે છે. (ડિસ્ક્લેમર: અહીં આપવામાં આવેલી માહિતી સામાન્ય માન્યતાઓ અને જાણકારી પર આધારિત છે. ગુજરાત બીટ તેની પુષ્ટિ નથી કરતું.)