આપણી કેટલીક આદતો ગરીબીનું કારણ બની શકે છે. ગરુડ પુરાણ અનુસાર આપણા કર્મો પર જ ભવિષ્ય નિર્ભર કરે છે. જો ખરાબ કામ કરવામાં આવે તો તેનું પરિણામ પણ ખરાબ જ હોય છે. ગરીબીથી બચવું છે તો આ આદતો છોડવી જરૂરી છે. અઢાર પુરાણોમાં ગરુડ પુરાણનું મહત્વ ખાસ માનવામાં આવે છે. ગરુડ પુરાણમાં ઘણી વાતોનો ઉલ્લેખ મળે છે. ગરુડ પુરણ અનુસાર કેટલીક આદતો ગરીબીનું કારણ બને છે.
જો તેને છોડવામાં ના આવે તો વ્યક્તિને જલ્દી જ આર્થિક તંગીનો સામનો કરવો પડી શકે છે. તેવી સ્થિતિમાં એવી આદતોને તરત જ છોડી દેવી જોઈએ અન્યથા કમાવેલ પૈસા પણ જલ્દી જતા રહે છે. એશ્વર્ય સાથે જીવન જીવતા લોકો પણ ગરીબ બની શકે છે. ચાલો જાણીએ એવી કઈ આદતો છે જે ગરીબીનું કારણ બને છે.
અહંકાર કરવો: અહંકાર કરવો કોઈના માટે નથી સારું. કહેવાય છે કે રાજા રાવણનો ઘમંડ પણ કામ ના આવ્યો. અહંકારથી બુદ્ધિ બગડી જાય છે. દરેક વ્યક્તિ અહંકારી વ્યક્તિનો સાથ છોડી દે છે. જો સૌથી ધનિક વ્યક્તિમાં અહંકાર હોય તો તેના માટે લાંબા સમય સુધી ખુશ રહેવું મુશ્કેલ બની શકે છે.
ગંદકીમાં રહેવું: લક્ષ્મીજી ગંદકીથી દૂર ભાગે છે. ગંદા કપડા પહેરવા એટલે ગરીબીને આમંત્રણ આપવું. ગંદા કપડા તમારી ગરીબીનું કારણ બની શકે છે. ભલે ફાટેલા- જૂના કપડા હોય પણ તે સ્વચ્છ હોવા જોઈએ. કપડાંની સાથે સાથે શરીર પણ સુઘડ અને સ્વચ્છ હોવું જોઈએ. જો તમારે ગરીબીથી બચવું હોય તો તમારે દરરોજ સ્નાન કરવું જોઈએ.
લાલચ કરવી: લાલચ કરવી નથી સારી. લોભી લોકો ઘણીવાર ખરાબ માર્ગ પર ચાલવા લાગે છે. પૈસાના લોભમાં લોકો ઘણા ખોટા કામ કરવા લાગે છે. આવા લોકો પાસે પૈસા લાંબો સમય ટકી નથી શકતા. વ્યક્તિ જેટલો પૈસાનો લોભી હોય છે. તેટલા જ વધુ પૈસા તેની પાસેથી ભાગી જાય છે. લાલચી લોકો પાસે સુખ નથી આવતું.
શોષણ કરવું: બીજાનું શોષણ કરતા ક્યારેય સુખી નથી રહેતા. જો તમે ગરીબ અને લાચાર લોકોનું શોષણ કરો છો તો તેનું પરિણામ ખરાબ આવે છે. તે સમયે તમે કોઈનું શોષણ કરીને ભલે નફો કમાઈ લો પણ તે લાંબો સમય ટકી નથી શકતું. અત્યાચારી લોકોથી માં લક્ષ્મીજી નારાજ થાય છે. (ડિસ્ક્લેમર: અહી આપવામાં આવેલી માહિતી સામાન્ય માન્યતાઓ અને જાણકારી પર આધારિત છે. ગુજરાત બીટ તેની પુષ્ટિ નથી કરતું.)