શનિદેવ અત્યારે અસ્ત અવસ્થામાં છે અને ૫ માર્ચ ૨૦૨૩ ના રોજ ઉદય થશે. ન્યાયના દેવતા શનિદેવ સૂર્યદેવની વધુ નજીક હોવાથી અસ્ત થયા છે. જયારે કોઈ ગ્રહ અસ્ત હોય ત્યારે તે ગ્રહ ફળ આપી નથી શકતો. ઉદય થવાની સાથે જ શનિદેવનો પ્રભાવ વધશે. નોકરી, વ્યાપાર, કાર્યક્ષેત્રમાં નિશ્ચિત રૂપથી પરિવર્તન આવશે. ચાલો જાણીએ શનિદેવનો ઉદય થાય પછી કઈ સાત રાશિના જાતકો પર મહત્વપૂર્ણ પ્રભાવ પડશે.
મેષ: મેષ રાશિના જાતકોએ કરિયરને લઈને સક્રિય રહેવું પડશે. તમારે તમારા બોસ સાથે પ્રગતિની ચર્ચા કરવી જોઈએ. આર્થિક લાભમાં વધારો થવાની સંભાવના રહેશે અને મોટા ભાઈના પ્રગતિના દ્વાર ખુલશે.
વૃષભ: વૃષભ રાશિના જાતકોને હવે વધારે કામના કારણે ઓફિસમાં વધુ સમય પસાર કરવો પડશે. જાન્યુઆરીમાં તમે જે યોજનાઓ બનાવી હતી જો તે હજી સુધી પૂર્ણ થઈ નથી અથવા તેની ગતિ ધીમી પડી ગઈ છે તો હવે સક્રિય થવાનો સમય છે. સક્રિય થઈને દરેક કાર્ય પૂર્ણ કરવાનો પ્રયાસ કરો. આળસ છોડવી પડશે.
મિથુન: મિથુન રાશિના જાતકો માટે ભાગ્યના દરવાજા ખુલશે. વ્યાપારીઓને સુવર્ણ તક મળશે અને પિતૃક સંપત્તિમાં વધારો કરી શકશો. પરંતુ તેના માટે તમારે હાઈટેક પદ્ધતિઓનો ઉપયોગ કરવો પડશે.
કન્યા: આ રાશિના સ્પર્ધાત્મક પરીક્ષાઓની તૈયારી કરતા જાતકોએ વધુ મહેનત કરવી જોઈએ તો જ તેમને સંપૂર્ણ સફળતા મળશે. જેમનો કેસ કોર્ટ- કચેરીમાં ચાલી રહ્યો છે તેમને જીત મળશે. વ્યાપારીઓએ વ્યાપાર વધારવા માટે જાહેરાતો અને પ્રચાર કરવો જોઈએ. તેમ કરતા જ વિરોધિયો પરેશાન થઇ જશે.
તુલા: તુલા રાશિના વિદ્યાર્થીઓએ અભ્યાસમાં વધુ ધ્યાન આપવું જોઈએ. સંશોધનની દિશામાં કામ કરતા વિદ્યાર્થીઓને રિસર્ચ કરવાની તક મળશે. સગર્ભા સ્ત્રીઓએ આહારનું વિશેષ ધ્યાન રાખવું જોઈએ.
મકરઃ મકર રાશિના જાતકોએ વાણી પર ધ્યાન આપવું જોઈએ. કોઈને પણ કડવા શબ્દો ના બોલો. વ્યાપારીઓ કમાણી કરશે અને તેઓ બેંક બેલેન્સમાં વધારો કરી શકશે. સ્વાસ્થ્યની દ્રષ્ટિએ દાંતની સમસ્યા થઈ શકે છે.
કુંભઃ આ રાશિના જાતકોએ અહંકાર પર નિયંત્રણ રાખવું પડશે અને ધ્યાન રાખવું જોઈએ કે ના તો કોઈના વિવાદમાં પડવું અને ના તો કોઈના ઝઘડામાં મધ્યસ્થતા દર્શાવવી. ગ્રાહકોની સંખ્યા વધારવા માટે વ્યાપારીઓએ યોજના બનાવવી જોઈએ. (ડિસ્ક્લેમર: અહી આપવામાં આવેલી માહિતી સામાન્ય માન્યતાઓ અને જાણકારી પર આધારિત છે. ગુજરાત બીટ તેની પુષ્ટિ નથી કરતું.)
