બોલિવૂડ સ્ટાર વિકી કૌશલ અને કેટરીના કૈફ આ અઠવાડિયે રાજસ્થાનમાં લગ્નના બંધનમાં બંધાવા જઈ રહ્યા છે. બંનેના પરિવાર રાજસ્થાનમાં જોવા મળી ચુક્યા છે. આ લગ્નની તૈયારીઓ પણ જોરશોરથી ચાલી રહી છે. આ લગ્ન સમારોહ ૯ ડિસેમ્બર સુધી ચાલશે. તેમના લગ્ન માટે આ કપલ રાજસ્થાનથી મુંબઈ પણ રવાના થઈ ગયું છે.
આવી સ્થિતિમાં આ સ્ટાર કપલના લગ્નમાં ભાગ લેવા માટે ઘણા સ્ટાર્સ પણ જયપુર એરપોર્ટ પર જોવા મળ્યા હતા. જાણે કે આ લગ્નને લઈને શરૂઆતથી જ કેટલાક નવા ખુલાસા થયા છે. તેવો જ વધુ એક નવો ખુલાસો સામે આવ્યો છે. હાલમાં મળતી લેટેસ્ટ માહિતી મુજબ વિકી કૌશલ અને કેટરિના કૈફના લગ્નમાં સુપરસ્ટાર સલમાન ખાનના બોડીગાર્ડ શેરાએ મહત્વની જવાબદારી સંભાળી છે.
એક મોટા એન્ટરટેઈનમેન્ટ પોર્ટલના લેટેસ્ટ રિપોર્ટ અનુસાર, આ સેલેબના લગ્નમાં સલમાન ખાનનો બોડીગાર્ડ શેરા વધારાની સુરક્ષા આપશે. એટલું જ નહીં, તે રાજસ્થાનના સવાઈ માધોપુર સ્થિત સિક્સ સેન્સ ફોર્ટમાં આયોજિત આ લગ્નના સુરક્ષા પ્રભારી પણ હશે. તમને જણાવી દઈએ કે સુપરસ્ટાર સલમાન ખાન અને કેટરીના કૈફ લાંબા સમયથી પારિવારિક મિત્રો છે.
બંને એકબીજાને ડેટ પણ કરી ચૂક્યા છે. જ્યારે સલમાન ખાનનો બોડીગાર્ડ શેરા ઉર્ફે ગુરમીત સિંહ પણ લાંબા સમયથી કેટરીના સાથે જોડાયેલો છે. એવી પણ એક માહિતી છે કે સલમાન ખાનનો બોડીગાર્ડ શેરા પણ પોતાની સિક્યોરિટી કંપની ચલાવે છે. જેનું નામ ટાઈગર સિક્યુરિટી છે.
વિકી- કેટના લગ્નમાં સિક્સ સેન્સ ફોર્ટની સુરક્ષાનો સંપૂર્ણ હવાલો હવે શેરાની કંપનીના હાથમાં છે. આ ઉપરાંત બરવાડા પોલીસની પણ મદદ લેવામાં આવી છે. ઘણા બોલિવૂડ કલાકારો અને VIP મહેમાનો સ્થળ પર હાજર હોવાના અહેવાલો છે. આ સંદર્ભે પણ ચુસ્ત સુરક્ષા વ્યવસ્થા ગોઠવવામાં આવી રહી છે.
સલમાન ખાન કેટરીના કૈફના લગ્નમાં હાજરી આપશે: આવી સ્થિતિમાં જ્યાં આ લગ્નમાં સલમાન ખાનનો બોડી ગાર્ડ સુરક્ષાનું ધ્યાન રાખી રહ્યો છે તો બીજી તરફ સલમાન ખાન કેટરિના કૈફના લગ્નમાં પહોંચશે કે નહીં તે અંગે હજુ પણ શંકા છે. તો બીજીતરફ સલમાન ખાનની બહેન અર્પિતા ખાન શર્માએ કેટરિના કૈફ- વિકી કૌશલ પાસેથી લગ્નનું કાર્ડ ના મળ્યું હોવાની વાત કરી હતી.
અર્પિતા ખાન શર્માએ કહ્યું હતું કે તેના પરિવારને હજુ સુધી કોઈ પ્રકારનું આમંત્રણ મળ્યું નથી. અર્પિતાના આ નિવેદને ઘણા લોકોને ચોંકાવી દીધા હતા. જો કે ખાન પરિવાર લગ્નમાં હાજરી આપે છે કે નહીં તે તો સમય જ કહેશે.
કેટરિના કૈફ અને વિકીએ તેમના તમામ વર્ક કમિટમેન્ટ્સ પૂર્ણ કરી લીધા છે અને હવે તેઓ થોડા દિવસો માટે તેમના અંગત મોરચે ખૂબ જ વ્યસ્ત રહેવાના છે. આ સિવાય કેટરિના કૈફ અને વિકીનો પરિવાર શોપિંગ કરતો પણ જોવા મળી રહ્યો છે. તેના પરિવારના સભ્યો પણ રાજસ્થાનમાં જોવા મળ્યા છે. તેમ છતાં આ કપલ દ્વારા લગ્નની સત્તાવાર જાહેરાત કરવામાં આવી નથી.
