રાતના સમયે ઘરના મંદિરમાં પડદો લગાવવો શુભ કે અશુભ? જાણો નિયમો

સનાતન ધર્મ પૂજા સંબંધિત અસંખ્ય નિયમો સૂચવે છે. તેવી જ રીતે, ઘરના મંદિર માટે ઘણા ધાર્મિક અને વાસ્તુ સિદ્ધાંતો છે જેનું પાલન કરવું આવશ્યક છે. આ લેખમાં વિગતવાર જાણીએ કે સૂતી વખતે ઘરના મંદિરમાં પડદો લગાવવો યોગ્ય હોય છે કે ખોટું. આપણે મંદિરમાં પડદા લગાવવા સાથે સંકળાયેલા વાસ્તુ સિદ્ધાંતો વિશે પણ શીખીશું.

ઘરના મંદિરમાં પડદો શા માટે લગાવવામાં આવે છે?

શયન આરતી પછી ઘરના મંદિરમાં પડદો નાખી દેવાથી સકારાત્મક ઉર્જા જળવાઈ રહે છે.

ઘરના અન્ય કાર્યો કરતી વખતે ઘરના મંદિરમાં પડદો નાખી દેવાથી મંદિરની ગરિમા અને પવિત્રતા જળવાઈ રહે છે.

ઘરના મંદિરમાં પડદો લગાવી દેવો- પડદાથી મંદિર ઢાંકવું શુભ કે અશુભ?

હિંદુ ધર્મમાં, ઘરના મંદિરમાં સ્થાપિત દેવતાને પરિવારના સભ્ય માનવામાં આવે છે. જેમ પરિવારના સભ્યો રાત્રે સૂવે છે, તેવી જ રીતે દેવતાને પણ સૂવા દેવામાં આવે છે. તેના માટે, રાત્રિની શયન આરતી કરવામાં આવે છે અને પ્રભુને વિશ્રામ કરાવવામાં આવે છે.

અંતમાં મંદિરનો પડદો લગાવવામાં આવે છે, પડદાથી મંદિરને ઢાંકવામાં આવે છે. રાત્રે ઘરના મંદિરમાં પડદો ઢાંકી દેવો ખૂબ જ શુભ માનવામાં આવે છે. તેમ કરવાથી આપણે ભગવાન પ્રત્યેની આપણી શ્રદ્ધા અને આદર દર્શાવીએ છીએ.

ઘરના મંદિરમાં પડદા લગાવવાના નિયમો:

ઘરના મંદિરમાં સ્વચ્છ રેશમ અથવા અન્ય કાપડના પડદા રાખો.

જો માંસાહારી ખોરાક રાંધવામાં આવે છે, તો મંદિરને પડદાથી જરૂર ઢાંકો.

જો તમે રાત્રે મંદિરમાં પડદો નથી લગાવી શકતા તો મંદિરનો દરવાજો બંધ કરો.

તમે ભગવાન આગળ એક હળવું, સ્વચ્છ કપડું પણ મૂકી શકો છો.

સવારે સ્નાન કર્યા વિના પડદો ખોલશો નહીં.

સવારે પડદો ખોલતી વખતે તાળી પાડો કે ઘંટડી જરૂરથી વગાડો.

મંદિરના પડદા માટેના નિયમો શું છે?

તમારા ઘરના મંદિર માટે પડદો પસંદ કરતી વખતે, રંગો પર ખાસ ધ્યાન આપો. હંમેશા પીળા, આછા લાલ, ક્રીમ, કેસરી અથવા નારંગી રંગનો પડદો વાપરો. મંદિર માટે કાળો, ડાર્ક બ્લુ કે ડાર્ક ગ્રે રંગ અશુભ ગણાય છે. આવા કલરના પડદા નકારાત્મક ઉર્જાને પ્રોત્સાહન આપે છે.

(ડિસ્ક્લેમર: આ જાણકારી પરંપરાગત ધાર્મિક અને જ્યોતિષીય માન્યતાઓ પર આધારિત છે. ઉલ્લેખિત નિયમો અને ઉપાયોની અસરો અને પરિણામો વ્યક્તિના સંજોગો, શ્રદ્ધા, સ્થાન અને અન્ય પરિબળોના આધારે બદલાઈ શકે છે. તેને સામાન્ય માહિતી તરીકે ગણો અને તેને કોઈ ચોક્કસ પરિણામ અથવા લાભનો દાવો ના માનો.)